bátti á bossa

Tengingin við drauminn er komin held ég

Fór í gær og fékk sprautu í rassinn! Ég á heimsins besta húðsjúkdómalækni sem skilur að ég sé fædd í vitlausu landi og eeeeeelski sól! Og honum finnst alveg jafn óréttlátt og mér að ég sé með sólarexem svo hann gaf mér stera í rassinn.

Ef þið fréttið af íslenskri konu á Spáni, sem þrammar um ströndina í bikiní, með skeggrót og í mútum, étandi út í eitt að reyna að snapa sér slagsmál þá er það ég!

Allt fyrir ástina.....

Hólí smók

Núna verður helmingurinn að fara að drífa sig heim! Dreymdi í nótt að ég væri í eldheitum ástaratlotum með Páli Óskari!!!!

Ekki það að Palli er sætastur og allt það en kommon........ JÆKS!

Fátt um góða drætti

á þessari bloggsíðu akkúrat núna.

Ég er andlaus. Sumarfríið sem ég er ný byrjuð í virðist sjúga alla orku úr mér! Ég er ennþá á fullu í "bikiníeftirviku" prógramminu og gengur vel, svo ég virðist klára alla orkuna í eitthvað sprikl!

Helmingurinn hefur ekki sést hérna, hann þefar upp hverja lækjarsprænuna á fætur annarri og lemur þær með flugustönginni sinni læk ðer is nó túmorró! Hann er einhverstaðar í fjarskanistan núna, fjarri mannabyggð og gsm sambandi og gæti allt eins verið drukknaður í ánni án þess ég hefði hugmynd!

Mér leiðist svona þegar vantar helminginn. Ég var svo langt leidd í fyrradag að ég aksjúali hugleiddi af fullri alvöru að fara í skipulagða kúmenskoðunarferð um Viðey! Mér fannst þetta alveg snilldar hugmynd, ég meina hver vill ekki fara í skipulagða gönguferð um Viðey gagngert til að fræðast um kúmen? Ég stakk upp á þessu hróðug við afsprengin en það yngra fölnaði við tilhugsunina að fara í bát, hann verður sjóveikur þegar við keyrum yfir polla! Eldra afsprengið er að prufukeyra unglinginn í sér og fannst fátt hallærislegra en að fara með mömmu sinni í kúmenskoðunarferð! Svo það varð ekkert úr þessari ferð minni. Ég var hundsvekkt þrátt fyrir að mér finnist kúmen ekkert sérstaklega gott :S

Styttist í sól-sumar-sand og sangríu .... mmmmmmmmm

Bananar

Hérna sit ég og hugsa um banana!

Áður en þið hugsið eitthvað dörtí þá er ástæða fyrir því, ég er umkringd bananakössum!!!

Leyfi ykkur að skoða bloggvini mína og komast að ástæðunni, einn þeirra er haldinn bananakassa fetish!

Kona

Ég er að lesa áhugaverða bók um konur og það hefur kveikt á nokkrum perum í seríunni í hausnum á mér og ég hef velt fyrir mér hvernig það er að vera kona vs að vera maður?

Við erum settar snemma í hlutverk. Í Svíþjóð var gerð könnun, ungabarn var klætt í bláan galla og sýnt fullt af fólki sem átti að skrifa niður lýsingar á barninu.

"Karlmannlegur" og "Svipsterkur" var meðal annars það sem var skrifað, hann var "Stór" og "Myndarlegur" og "Kraftalegur".

Sama barn var svo klætt í bleikan galla og niðurstaða þeirra sem skoðuðu barnið voru "Hún er lítil" og "hún er dúlla" !

Svona snemma erum við sett í hutverk! Dómurinn felldur án nánari skoðunnar!

Svo heldur þetta áfram, flest allar teiknimyndahetjur eru karlkyns, s.s. Súperman, kóngulóarmaðurinn og Batman, flest allar teiknimyndafígúrur eru karlkyns, t.d. eru allir karakterarnir í Bangsimon karlkyns nema Kengúran..... hún er mamma litlu kengúrustráksins og sópar gólf!

Ég er ekki kvenremba, en þessi bók er svoleiðis búin að opna augun mín fyrir þessu. Ég hugsaði út í þetta í morgun þegar ég stóð í sturtu og hugsaði um þá kvalarfullu ferð sem bíður mín í vax fyrir væntanlega utanlandsferð mína.

Maðurinn minn fer í sturtu á hverjum morgni, rakar sig, fer í jakkaföt, skyrtu og bindi, setur á sig ermahnappa og rakspíra og er reddí fyrir vinnudaginn. Annað slagi fer hann í klippingu en þar með er það upptalið.

Ég fer líka í sturtu á hverjum degi, áður en ég fer í sturtu þá þarf ég að greiða í gegnum lubbann svo hann verði ekki ein flækjahrúga, í sturtunni þaf að sápuþvo lubbann og bæta svo hárnæringu við svo að hann öðlist ekki sjálfstætt líf þegar hann þornar! Við sápuþvottinn er svo gripið til rakvélinnar sem fjarlægir þau hár sem maður hefur ekki vogað nálægt vaxinu ennþá sökum kjarkleysi. Svo skrúbbar maður sig hátt og lágt með grjóthörðum bursta með broddgöltahárum held ég, en það á að vera svo afskaplega gott til að losna við dauðar húðfrumur og appelsínuhúð!

Eftir sturtu tekur við kremsmurning. Sérstakt krem er borið á appelsínuhúðarhlutinn, eitthvað sem auglýsignar lofa að láti þennan ófögnuð hverfa á núll einni. Eftir svona skyldusmurningu er tekið fram vellyktandi krem, gjarnan með smá "shimmer" í svona til að maður fái á sig fallegan gljáa, og því smurt vel og vandlega. Svona enda tötsið er svo þegar maður spreyjar shimmering body spray yfir allt saman og getur það stundum verið sviðasamt á nýrökuðum líkamspörtum! Rolloninu má ekki gleyma, smá svitalykt á karlmönnum þykir bara sexý en kvenmenn eiga alltaf að lykta eins og nýútsprungin lilja í morgundögg.

Þá er það hárið. Ég er heppin að krullur eru móðins í dag. Við það eignaðist ég heilan klukkutíma á dag í líf mitt frá því þegar slétt hár var það eina sem blívaði. Hárþurrka er það eina sem ég þarf að nota ásamt slatta af froðu.

Andlitið er eftir. Einu sinni í mánuði þarf ég að fara í litun og plokkun, eða eins og ég kallað það "plokkað og pínt", og reglulega þarf ég að fara í húðhreinsun til að losna við fílapensla sem gersamlega geta ært óstöðuga. Helmingurinn minn spyr mig þegar ég fer í svona meðferð "jæja.... það á bara að láta dekra við sig í dag?". Hann hefur greinilega aldrei prufað að fara í húðhreinsun og plokkað og pínt! Mín hugmynd af dekri er allt önnur en að láta kreysta á mér andlitið og slíta hár úr andlitinu á mér..... eitt í einu! Eins langt frá dekri og hugsast getur. En dagleg umhirða andlitsins er líka mikilvæg og eftir sturtuna og body smurninguna og hárblásturinn er komið að því.

Fyrst ber að nota augnkrem í kringum augun, svo er það þunnur vökvi sem er borinn á allt andlitið og loks krem. Þetta er það sem málningarmenn kalla "grunnur". Þá er hægt að fara að mála.

Sum af þeim áhöldum sem notuð eru við förðun eru beinlínis óhugnaleg, ég man þegar ég sá augnhárabrettara í fyrsta skipti, ég svaf illa nokkrar nætur á eftir!

Neglurnar........ bæði á tám og höndum verða að vera vel snyrtar og lakkaðar. Apparötin sem eru notuð við að taka burtu naglabönd eru ekki minna óhugnaleg en augnhárabrettarinn. Og trúið mér, handsnyrting og fótsnyrting flokkast ekki sem dekur í mínum huga heldur! 

Tannhvíttun er uppfinning þess ljóta niðri. Tannkulið sem maður fær vegna tannhvíttunarmeðferð er bíond ðiss vörld!

Bjróstarhöld og push up nælonsokkabuxur er ekki þægilegur klæðnaður, djöst só jú nó! Háir hælar voru það ekki heldur í byrjun, en merkilegt hvað þetta venst.

Karlmenn ættu að prufa að klæða sig í nælonsokkabuxur með langar neglur!

Handáburður áður en ég labba út og gloss á varirnar og ég er reddí fyrir vinnudaginn!

Konur eru kallaðar veikara kynið? Karlmenn ættu að prufa að fá túrverki, blæða út einu sinni í mánuði, ganga með barn og remba því í heiminn, fara í vax, fílapenslahreinsun og plokkun!!! Þeink got að strípur eru ekki lengur inn því að vera með götóttan smokk á hausnum og fá heklunál aftur og aftur potað í hausinn er ekki þægilegt!!

Konur ættu að vera á helmingi hærri launum en karlmenn, það er miiiiiiikið dýrara að vera kona í skrifstofustarfi en karlmaður!

 

 

 

 

bloggpása

Nóbb ég er ekki farin til spánar og ég er ekki horfinn út af bikiní átaki ;)

Er bara búin að vera bissí, fór í fyrsta skipti um ævina inn á gjörgæslu og sá í fyrsta skipti á ævinni manneskju í öndunarvél. Það var erfitt. Síðasta vika er búin að vera rússíbani en vonandi að allt sé að koma með hænuskrefum.

Kem fersk að vörmu.......

Pússíkatt

Sumarið er algerlega minn tími, ég eeeelska sumarið og er svooo fjarri því að hafa áhuga á snjóíþróttum. Ég elska að geta verið léttklædd, legið letilega í sólinni og lesið góða bók. Geta farið út í búð í opnum skóm og í þunnu sumarpilsi og hlýrabol.

Samt nákvæmlega á þessum árstíma, þá verð ég pirruð. Upp úr 20. júlí fer pirringurinn stigmagnandi og yfirleitt nær hann hámarki 27.-28. júlí. Ég held að þetta séu aldurskomplexar eða eitthvað álíka.

Á morgun verð ég sem sagt ári eldri :S

 

Ljónið

Tími Ljónsins er hásumarið, heitasti tími ársins. Á þessum árstíma skrýðist náttúran sínu fegursta, gróður blómstrar og litadýrð er mikil. Þessa dýrð má sjá í fari Ljónsins, sem oft hefur skrautlega og stóra sál og sterka þörf fyrir að tjá sig.

Í miðju

Ljónið er yfirleitt hreint og beint í framkomu og falslaust. Það hefur tilhneigingu til að draga að sér athygli og lenda í miðri hringrás atburða. Ljónið sækir oft í störf sem gera það áberandi, eða eru þess eðlis að það verður að þungamiðju umhverfisins.

Opin tjáning

Þegar Ljónið er í góðu skapi geislar það og glitrar af gleði og smitar út frá sér í umhverfi sitt. Þá 'kveikir' það í öðrum. Þegar það er óánægt sést óánægjan einnig langar leiðir, enda er Ljónið merki sem sýnir það sem býr innra með.


Fast fyrir

Ljónið er viljasterkt, fast fyrir, stöðugt og ákveðið þegar það hefur á annað borð tekið afstöðu til mála. Algengt er að það móti sér sérstakan stíl sem það heldur síðan fast í. Það er að mörgu leyti ósveigjanlegt, ráðríkt og stjórnsamt og telur sig iðulega vita betur en aðrir, hvað er rétt eða rangt.

Stórtækt

Ljónið býr yfir sannfæringarkrafti og ágætum stjórnunarhæfileikum. Það er einnig oft á tíðum kraftmikið og stórtækt. Oft taka Ljón sig til og framkvæma það sem aðrir létu sig ekki dreyma um að væri mögulegt. Þess á milli getur Ljónið tekið dugleg letiköst, enda kann það því vel að sleikja sólina og njóta lífsins.

Skapandi sjálfstjáning

Til að næra lífsorku sína þarf Ljónið að fást við skapandi athafnir, ekki endurtekningar og lognmollustörf. Það hentar því ekki að standa við færiband. Ljónið þarf að setja sinn persónulega stimpil á verkefni sín, enda er skapandi sjálfstjáning lykilatriði í lífi þess. Margir af þekktustu skemmtikröftun heimsins (og Íslands) eru í Ljónsmerkinu, svo sem Mick Jagger, Madonna, Diddú, Sigga Beinteins, Birgitta Haukdal o.s. frv.

Hugsjónir

Ljónið er eldsmerki og því hugsjónamaður að upplagi. Það táknar að því líður best þegar það er að berjast fyrir hugsjónum. Ljónið verður að hafa áhuga. Viðfangsefnin þurfa að kveikja eldinn.

Heiðarleiki

Meðal bestu eiginleika Ljónsins er heiðarleiki og einlægni. Hið dæmigerða Ljón vill segja satt hvað sem það kostar. Það vill vera trútt markmiðum sínum og hugsjónum. Ljónið er stolt, hjarthlýtt og göfuglynt merki.

Ég er ekki maður!

Ég var ekkert smá ánægð með mig í gær. Fór í IKEA og fjárfesti í kommóðu, ákvað að sýna að konur geta allt og drösslaði pakkningunni sjálf úr hillunni og er með marbletti á báðum höndum, svona eins og eftir handjárn!

Þegar heim var komið þá ákvað ég að ég gæti vel sett þetta saman sjálf. Sótt mér skrúfjárn og hamar og byrjaði. Ég dásamaði IKEA á meðan ég var að þessu því að sjálfsálit mitt jókst um helling á meðan ég skrúfaði hverja skrúfuna á fætur annarri fimlega á rétta staði. Sjálfstraustið var orðið þvílíkt þegar verkinu lauk að það hvarflaði að mér að kaupa mér bara nýja eldhúsinnréttingu og setja hana upp sjálf einn eftirmiðdag! Ef ég hefði verið með pung þá hefði ég sennilega klórað mér hressilega í honum!

Vaknaði svo klukkan 5:30 í morgun, en í dag var fyrsti dagur í mission "bikiní eftir mánuð" og skellti ég mér í hlaupaskóna og hljóp út. Það er dásamlegt að vakna á undan fuglunum:) Meira að segja hestarnir í girðingunni sem ég hljóp framhjá láu í þúfunum og geyspuðu þegar ég skokkaði framhjá þeim. Mér fannst ég ósigrandi. Ég kann allt.... get allt!

Eftir sturtu, morgunmat og moggalestur þá beið mín það verk að fara með bílinn á verkstæði. Sú ferð drap niður allt karlagen í mér á núll einni. Ég byrjaði á að festa pinnahælinn á skónum í mottunni hjá þeim. Eftirfarandi samtal átti sér svo stað þar:

Ég (á meðan ég losaði pinnahælinn úr mottunni): "góðann og blessaðan daginn, ég er að koma með bíl" (skælbros)

Verkstæðismaðurinn: "já......... hvernig bíll er það?"

Ég: "hmmmmmm Honda......... eitthvað.... æi svona jepplingur þú veist"

Verkstæðismaðurinn: "jaaá CRV?, hvað er númerið á honum?"

Ég: "ehhhhhh....... bíddu aðeins!" (svo skokkaði ég út til að athuga númerið á honum, sem ég svo gaf upp)

Verkstæðismaðurinn: "hvað er það sem á að gera við bílinn?"

Ég: " ehhhhh...... veistu ég bara er ekki viss...... bíddu rétt" (og ég hringdi í helminginn sem sagði mér hvað stóð til með bílinn, sigri hrósandi gat ég komið því til skila)

Verkstæðismaðurinn: "Hvað er bíllinn ekinn mikið?"

Ég: "ehhhhhhh....... veistu ég veit það bara ekki! En ég veit að það eru 1000 km þangað til hann á að fara í smurningu (stórt bros).

Verkstæðismaðurinn (sem þegar þarna var komið sögu var hættur að geta falið flissið): "Hvaða árgerð er bíllinn?"

Ég (sem var allri lokið þarna): "Veistu ég bara hef ekki hugmynd........ þessi bíll er grár!!!!!"

Ég held ég verði að fara á eftir í IKEA og kaupa mér nýja kommóðu til að setja saman og endurvekja karlagenið í mér eða bara fara og kaupa mér enn eitt body lotion.........

Held ég kaupi mér bara body lotion..... með glimmeri ;)

 

Hvaða miðbæ er lögreglan að tala um?

Örugglega ekki sami TROÐNI miðbærinn og ég barðist í gegnum í nótt?

Örugglega ekki heldur sami miðbærinn og ég beið í tæpa 2 tíma eftir leigubíl í leigubílaröð, ég er með dofnar tær því til sönnunar!

.

Nóttin með rólegasta móti

Drilla á ó ó í dag

Ég var búin að gleyma hvernig það er að vera með parketframleiðslu í hausnum!

Fórum á tjúttið í gær, ég og nokkrar vinkonur og ein þeirra vildi endilega byrja á players. Mér leið eins og ég hefði verið rænd, ég borgaði 1500 krónur þangað inn og hver haldið þið að hafi verið að spila? Enginn annar en Árni Johnsen sat þarna upp á sviði með kassagítar og söng um kartöflur og annað misskemmtilegt. Við vorum nú snöggar þaðan út.

Ákváðum að fara á skemmtistað í miðbænum. Þar var nokkrakílómetra löng röð en 2 af vinkonunum er flugfreyjur með sambönd svo að við sluppum sem betur fer við þessa röð. Ekki tók betra við þegar inn var komið. Þar leið manni eins og sardínu, ekki einu sinni hægt að dansa því að það hefði beinlínis verið lífshættulegt að reyna það. Maður gerði lítið annað þarna inni en að afþakka drykki og eins og ég var nú heitur stuðningsmaður þess að banna reykingar á skemmtistöðum þá verð ég að viðurkenna að það er svitalykt og jafnvel einstaka prumpufýla inn á svona stöðum!!!

Eftir að staðnum lokaði röltum við niður laugaveginn, með pissustoppi á nokkrum skemmtistöðumá leiðinni. Neðst í Bankastrætinu hitti ég fallegan ungan mann, sem æfði allar sínar pikköpp línur á mér. Ég lagði honum lífsreglurnar og sagði honum að leika við jafnaldra sína, ég væri allt of gömul. Ég er í miðju kafi að siða barnið til þegar ég heyri ískur og hann grípur utan um mig og hendir mér til hliðar. Blessað barnið bjargaði mér frá því að verða undir farartæki!!!

Eftir svona near death reynslu þá verður maður svangur. En sennilega voru allir sem voru staddir í miðbænum líka svangir svo að ég gafst upp á þeim biðröðum.

Ákvað að koma mér heim í bólið. Leigubílaröðin var svaaaakaleg og þar stóð ég í klukkutíma og 40 mínútur í killer....... æm telling jú KILLER hælum!!!

Niðurstaða:

Ég er nokkrum þúsundköllum fátækari með hausverk og fleiri fylgikvilla drykkju og svefnleysis, er með kartöflulagið á heilanum og  fötin mín anga af svita og prumpulykt, ég var næstum dáinn og ég finn ekki fyrir táberginu og tánum mínum.

Ég get ekki sagt að kvöldið hafi verið þess virði